കൊച്ചി: കരിമണല് കമ്പനിയായ സി.എം.ആര്.എല്ലും ഐ.ടി കമ്പനി മേധാവി വീണാ വിജയനും പ്രതിസന്ധിയിലായ സാമ്പത്തിക ഇടപാടിലെ എന്ഫോഴ്സ്മെന്റ് ഡയറക്ടറേറ്റ് അന്വേഷണത്തില് താല്ക്കാലിക ആശ്വാസം. ഇ.ഡി അന്വേഷണം റദ്ദാക്കണമെന്നാവശ്യപ്പെട്ട് സമര്പ്പിച്ച ഹര്ജിയില് ഹൈക്കോടതിയില് വാദം പൂര്ത്തിയായി.
കേസില് നിര്ണ്ണായക വിധി പുറപ്പെടുവിക്കാനിരിക്കെ, കേസ് പരിഗണിക്കുന്ന വെള്ളിയാഴ്ച വരെ പ്രതികള്ക്കെതിരെ അറസ്റ്റ് ഉള്പ്പെടെയുള്ള കടുത്ത നടപടികളിലേക്ക് കടക്കരുതെന്ന് ഹൈക്കോടതി ഇ.ഡിക്ക് കര്ശന നിര്ദ്ദേശം നല്കി. കേസ് വിധി പറയാനായി വെള്ളിയാഴ്ചയിലേക്ക് മാറ്റുകയായിരുന്നു. എന്ഫോഴ്സ്മെന്റ് ഡയറക്ടറേറ്റിന്റെ ഭാഗത്തുനിന്നും പ്രതിഭാഗത്തുനിന്നും മണിക്കൂറുകള് നീണ്ട ശക്തമായ വാദപ്രതിവാദങ്ങളാണ് കോടതിയില് അരങ്ങേറിയത്.
തങ്ങള്ക്കെതിരെയുള്ള ഇ.ഡി നടപടികള് പൂര്ണ്ണമായും നിയമവിരുദ്ധമാണെന്നും രാഷ്ട്രീയ പ്രേരിതമാണെന്നുമാണ് ഹര്ജിക്കാര് കോടതിയില് ഉന്നയിച്ചത്. അതേസമയം, വന്തോതിലുള്ള സാമ്പത്തിക ക്രമക്കേടുകള് ഈ കേസില് നടന്നിട്ടുണ്ടെന്നും, അതിന്റെ യഥാര്ത്ഥ വിവരങ്ങള് പുറത്തുകൊണ്ടുവരാന് വിശദമായ അന്വേഷണം അനിവാര്യമാണെന്നുമാണ് ഇ.ഡി കോടതിയെ അറിയിച്ചത്.
ഇരുഭാഗത്തിന്റെയും വിശദമായ വാദങ്ങള് രേഖപ്പെടുത്തിയ
കോടതി, ഹര്ജി വിധി പറയുന്നതിനായി വെള്ളിയാഴ്ചത്തേക്ക്
മാറ്റിവെച്ചു. അന്തിമ വിധി വരുന്നത് വരെ സംസ്ഥാന രാഷ്ട്രീയത്തിലും ഈ
കേസിനെച്ചൊല്ലിയുള്ള സസ്പെന്സ് തുടരും. വിധി വരുന്നത് വരെ നിലവിലെ സ്ഥിതി
തുടരാനും, ഹര്ജിക്കാര്ക്കെതിരെ കടുത്ത നീക്കങ്ങള്
ഇ.ഡിയുടെ ഭാഗത്തുനിന്ന് ഉണ്ടാകരുതെന്നും കോടതി താല്ക്കാലിക ഉത്തരവിലൂടെ
വ്യക്തമാക്കിയിട്ടുണ്ട്. ഈ വെള്ളിയാഴ്ച പുറത്തുവരുന്ന ഹൈക്കോടതി വിധി
ഇരുവിഭാഗത്തിനും നിര്ണ്ണായകമാണ് .